Stampa questa pagina

Ul Vampìr

Scritto da 
Vota questo articolo
(1 Vota)

Ul Vampìr
(Le VampireC.Baudelaire, “Les fleurs du mal”)

Ti che, ’me ’na lama da curtèll,
te see nàia dènt nul mè cör piangènt;
ti che, fórta ’me un drapèll
da demóni, te see vegnìva, mata e sbarlüsènt,

a fà dul mè spirit ümiliaa
ul tò lecc e ul tò dumìni;
- ti infamm a la quäl sun ligaa
’me ul furzaa a la cadéna,

’me al giügh ul giügadûr gnücch,
’me al fiasch ul ciócch,
’me ai vèrman la carógna infèta,
- maledèta, te siat maledèta!

Hoo pregaa ul pügnäl lèst
da cunquistamm la libertà,
e g’hoo dii al velèn fünèst
da sucurr la mè viltà.

Póramì! ul pügnäl e la puziûn
cun disdégn m’hann dichiaraa:
«Da quell tò vincul da danaziûn
te see mìa degn da vèss liberaa,
imbecill! - se i nóstar sfórz ta liberàsan
dal sò impér,
i tò basìn resüscitarìan
ul cadävar dul tò vampìr!»

vampiro small 
Edvard Munch
Letto 1184 volte Ultima modifica il Domenica, 04 Dicembre 2016 23:07
Giorgio Sassi

Un blog di scritti, idee, pensieri e appunti

Ultimi da Giorgio Sassi

Articoli correlati (da tag)